പൂവിന്‍റെ പ്രണയം

പൂവിന് കാറ്റിനോട് പ്രണയം
കാറ്റിന്‍റെ ഓരോ തഴുകലിലും
അവള്‍ കോരിത്തരിച്ചു
ഓരോ നിമിഷത്തിലും
കാറ്റിന്റെ മൂളലിനായി
അവള്‍ കാതോര്‍ത്തു
ഒരു നാള്‍ കാറ്റ് അവളുടെ
കാതില്‍ ചൊല്ലി
നീ എനിക്കു സ്വന്തം..
ആ വാക്കില്‍ മയങ്ങി നിന്ന
പൂവ് അറിഞ്ഞില്ല കാറ്റ്
എല്ലാ പൂവുകളുടെയും
ചെവിയില്‍ പറഞ്ഞത്‌ അതാണെന്ന്
അവസാനം ആ കാറ്റില്‍ പൊഴിഞ്ഞു
മണ്ണില്‍വീണപ്പോഴും അവള്‍
ഓര്‍ത്തത്‌ ഇനി കാറ്റിനായ്
ആര് കാത്തിരിക്കും എന്നാണ്.
അവളുടെ ആത്മാവ് മണ്ണില്‍
ലയിച്ചപ്പോഴും കാറ്റ്
വീശികൊണ്ട് തന്നെ ഇരുന്നു...