എന്നും എന്നെന്നും

എന്‍റെ പാട്ടിലൊരു ഈണമായ്‌
എന്‍ മൊഴിയിലൊരു മുത്തായ്
എന്‍ മനസ്സിലൊരു കനവായ്
എന്‍ കവിതയിലൊരു ഭാവമായ്‌
നീ എന്നും എന്‍ ചാരെ ..
എന്നും എന്നെന്നും...

നയനങ്ങളില്‍ വിടരും വര്‍ണ്ണമായ്‌
കുളിര്‍ പെയ്യും കാറ്റായ്
പളുങ്ക് പൊഴിക്കും നിലാവായ്‌
നീ എന്നും എന്‍ കൂടെ
എന്നും എന്നെന്നും...

മായാത്ത അക്ഷരമായ്‌
തീരാത്ത മോഹമായ്‌
നിലക്കാത്ത താളമായ്‌
അണയാത്ത നാളമായ്
നമ്മുക്കെന്നും വിളങ്ങീടാം
എന്നും എന്നെന്നും...