പൂക്കാത്തൊരു മുല്ലയുണ്ടെന്‍ തൊടിയില്‍
സംവത്സരങ്ങള്‍ പോകുന്നതറിയാതെ
കാലങ്ങള്‍ മാറുന്നതറിയാതെ
ഇതുവരെയും പൂക്കാത്തൊരു മുല്ല
പൂക്കാത്തൊരു മുല്ലയുണ്ടെന്‍ തൊടിയില്‍
മഴ കാത്തിരിക്കും മഴപക്ഷി പോല്‍
ആരെയോ കാത്തിരുന്നു
പൂക്കാന്‍ മറന്നുപോയൊരു മുല്ല
ഇതുവരെയും പൂക്കാത്തൊരു മുല്ല
പൂക്കാത്തൊരു മുല്ലയുണ്ടെന്‍ തൊടിയില്‍
പണ്ടാരോ പറഞ്ഞൊരു മുത്തശ്ശികഥ പോല്‍
ഗന്ധര്‍വനില്‍ മോഹിതയായി
പ്രണയവല്ലിയില്‍ മൊട്ടിട്ടമുല്ലയെ
വീണ്ടും കാണാമെന്നോതി
വിട ചൊല്ലി അകന്നുപോകവെ
വിരഹാദ്രയായി മൊട്ടുകള്‍ പൊഴിച്ച്
ഗന്ധര്‍വനെ കാത്തിരിക്കും മുല്ലയിത്
ഇതുവരെയും പൂക്കാത്തോരു മുല്ലയിത്...
പൂക്കാത്തൊരു മുല്ലയുണ്ടെന്‍ തൊടിയില്‍
ഇതുവരെയും പൂക്കാത്തൊരു മുല്ല
No comments:
Post a Comment