ഇളം കാറ്റ്

എനിക്ക് ചുറ്റും

വീശി വരുന്ന ഇളം കാറ്റിനു

സ്മൃതി തന്‍ മധുരമുണ്ട്,

നൊമ്പരത്തിന്‍ ഗന്ധമുണ്ട്,

ആശ്വാസത്തിന്‍ തലോടലുണ്ട്,

കാത്തിരിപ്പിന്‍ സുഖമുണ്ട്,

പതിയെ പാടും പാട്ടിന്‍ ഈണമായി

എന്നെ തഴുകും കാറ്റിനു,

മന്ത്രിക്കാനൊരു കവിതയുണ്ട്..

അണയാത്ത മോഹങ്ങള്‍

ആരും കാണാതെ കുങ്കുമ-

ചെപ്പിലടച്ച കവിത..

കനവുകള്‍ പാറിപറന്നോരു

മയില്‍പേട തന്‍ കവിത..

കാറ്റ് എന്‍ കാതില്‍

മൂളുന്നൊരു കവിത,

ആരും കേക്കാതെ,

ആരും കാണാതെ,

ഞാന്‍ അലിഞ്ഞു,

പോയൊരു കവിത..