അരളിമരം

അന്ന് നിന്നെ കാത്തു
അരളിമരത്തിന്‍ ചുവട്ടില്‍
നിന്നതും ....
കാത്തിരിപ്പിന്‍
നിമിഷങ്ങളില്‍ സമയചക്രം
ആരോ പിടിച്ചു
നിര്‍ത്തിയതായി തോന്നിയതും,
എന്‍റെ കത്തു വാങ്ങുമ്പോള്‍
നിന്‍ നയനങ്ങളില്‍ മിന്നിതെളിഞ്ഞ
ഭയപ്പാടുകളും ഞാന്‍
എങ്ങനെ മറക്കും സഖീ....
നിന്‍ പ്രണയത്തില്‍ എന്നോടൊപ്പം
ചിരിച്ച അരളിമരം
നീ പോയപ്പോ എന്നെ ആശ്വസിപ്പിച്ച മരം
ഇന്നും എന്നെ നോക്കി ചിരിച്ചു നില്‍പ്പൂ
വേറെ പലരുടെയും പ്രണയത്തിന്
സാക്ഷ്യം വഹിച്ചു...