മനസ്സും കുളിരും മഞ്ഞില്‍
കുളിച്ചു നില്‍ക്കും ഡിസംബറെ
നീ എന്നെ ഓര്‍ക്കുന്നുവോ
പ്രണയം പകരും മഴയില്‍
നനഞ്ഞു നിന്ന എന്നെ
തീയിലിട്ടത് നീ ആണ്..
പുത്തന്‍ ഉണര്‍വ്വ് തരും
പുതിയ വര്‍ഷപ്രതീക്ഷയില്‍
എന്‍ പ്രതീക്ഷതന്‍ വെളിച്ചം
ഊതിക്കെടുത്തിയതും നീ ആണ്
ഇന്ന് നീ പൊഴിക്കും മഞ്ഞിലും
നിരാശതന്‍ തീക്കനലിന്‍
വേവ് കുറക്കാനാവാതെ..
പുത്തന്‍ പ്രതീക്ഷകള്‍ തന്‍
മിന്നലാട്ടം പോലും ഇല്ലാതെ..
പുതിയൊരു വര്‍ഷത്തിനുള്ള
ഉടുപ്പുമായി നീ വീണ്ടും
എന്‍ മുമ്പില്‍ വന്നു ചിരിക്കുന്നു...
No comments:
Post a Comment