അങ്ങകലെ വര്‍ഷങ്ങള്‍ക്കപ്പുറം
വീശിയടിക്കുന്ന കാറ്റിന്‍
മര്‍മരത്തിനോപ്പം നമ്മുടെ
നയനങ്ങള്‍ കണ്ടുമുട്ടിയാല്‍
നീയും ഞാനും
പരിചിതത്തിന്‍ വാതായനങ്ങള്‍
വീണ്ടും തുറക്കുമോ ..
നീ പരിചിതഭാവം
കാണിക്കുകയെന്നാല്‍,
അന്നൊരു പക്ഷെ എന്‍
ചപല അക്ഷരങ്ങള്‍ ഇന്നീ കാട്ടിയ
പെക്കൂത്തില്‍ നമ്മള്‍
ചിരിയുടെ പേടകം തുറന്നേക്കാം,
ഒരുപക്ഷെ അന്ന് നിന്‍ ഓര്‍മ്മകളുടെ
പുസ്തകം കളഞ്ഞുപോയെന്നാല്‍
നീ ഒരു അപരിചിതനെ പോല്‍
നടന്നു മറയുന്നതും നോക്കി
ഞാന്‍ നിന്നേക്കാം..
എങ്കിലും അന്നും എന്‍
മനസ്സില്‍ നിനക്കായ്‌
ഊഷ്മള സ്നേഹത്തിന്‍ നൂല്
ഞാന്‍ കരുതിയിരിക്കും...
No comments:
Post a Comment